مفيش مستحيل

كل الناس بتقول لما بتسال عن حاجه فى المستقبل نفسك تحققها ومش عارف يقولولك كلمة مفيش مستحيل اشتغل واعمل اللى عليك وانت هاتوصل للى انت عايزه .كلمه مفيش مستحيل  كلمةعامة يعنى ايه مفيش مستحيل ... يعنى يكون عندك امل وثقه فى الله انك هاتوصل لطموحك هاقولك مثال:

اتكلمنا قبل كده عن "كوامي أجامو" انه اعتقل وهو أبن 17 ، و أتهم بقضية قتل وحكم عليها بالسجن المؤبد ، وبعد 40 عام ظهرت حقائق معاكسه لظروف المحاكمة وتمت تبرأته من التهمه واطلق صراحه وهو أبن 57
يعنى واحد قعد 40 سنه فى السجن ولسه كان عنده امل انه يطلع براءه ودا فعلا اللى حصل لما امن ان فعلا مفيش مستحيل .

هنا فى مصر عشنا 30 سنه فى جهل وفقر وومرض فى حكم مبارك وبثوره قام بيها شباب امنوا ان مفيش مستحيل شالو مبارك من كرسيه بعد ما كانت جذوره ضاربه فى كل مكان فى البلد .

احنا فى جمعية سواعد شباب مصر حطينا مبدأ مفيش مستحيل فى دماغنا عشان نحققلك طموحط اللى بتقول عليها مستحيله ونزرع جوه كل واحد فينا فكرة مفيش مستحل .

وصلنا اننا عملنا برنامج لدعم المجتمع اقتصاديا واجتماعيا وصحيا واسميناه صندوق الدعم الكامل .

عايزين مشاركة كل واحد منكم مش بس بالاشتراك لكن بالانتشار عشان الدال على الخير كفاعله وعشان نقدر نوصل لكل واحد محتاج خدماتنا

انتظروا تفاصيل اكتر عن صندوق الدعم الكامل اللى هايكون مفاجأه .