الاول خلونا نتكلم عن التخطيط وازاي تقدر تعمل دراسة للسوق فبل ما تبدأ في مشروعك
دراسة السوق هي حجر الاساس ونقطة البداية علشان تحدد مدى امكانية نجاح مشروعك قبل ما تبدأ في تنفيذه اياً كان امكانية نجاح مشروعك من عدمه سواء كان مشروعك دة مشروع تجاري او مشروع صناعي او مشروع خدمي وازاي تقدر توضح حاجة المستهلك للخدمة او المنتج اللى انت هتشتغل عليها علشان كدة لازم المستثمر لازم يعمل دراسة للسوق كويس قوي علشان يقدر يحدد امكانية العرض و الطلب والسياسة التسويقية المتبعه وسلوك المستهلك لمعرفة السعر المناسب للسلعه او الخدمة وعلشان نعمل كدة في اولويات لازم صاحب المشروع يتبعها هنتكلم عليها مع بعض
اولا لازم نحدد مواصفات المنتج او السلعه او الخدمة و استخداماته والشريحة المراد استهدافها والمنتجات البديلة المنافسة
ثانياً مستوى الطلب لازم يكون في دراسة لمعدل الطلب على المنتج او الخدمة والمتغيرات اللى بتؤثر على الطلب والمعلومات اللى ليها علاقة بالاسعار بالاضافة لمرونة الطلب ومدى التغير في سعر المنتج على حجم الطلب
ثالثاً المستهلكين حجم الاستهلام للمنتج او الخدمة بالاضافة لدوافع الشراء ومين اللى بيقوموا بالشراء (النمط الاستهلاكي)
رابعاً المنافسة والعرض دراسة درجة وطبيعة المنافسة و مين هما المنافسين وهل في منافسين جدد ممكن يدخلوا السوق ولا لا
ازاي تقدر تعمل دراسة فنية للمشروع ؟ ؟
تقدر تعمل كدة من خلال دراسة وصف المنتج او الخدمة ووصف العملية الانتاجية والمواد الخام و الموارد البشرية والايدي العاملة
ازاي تقدر تعمل دراسة مالية للمشروع ؟ ؟
عمل دراسة تحدد تكاليف المشروع ومقدار التمويل المطلوب وكمية الايرادات و المصروفات بالاضافة لطريقة ومدة سداد القرض والارباح المتوقعه من المشروع وهي اللى بتحدد جدوى المشروع من عدمه
ازاي تقدر تحسب راس المال الخاص بالمشروع بتاعك ؟ ؟
لازم صاحب المشروع يحط في اعتباره انه يكون في فترة زمانية بتتراوح بين 3شهور لـ 6شهور عشان يقدر بعدها المشروع يحقق ايرادات تغطي المصاريف الشهرية المنتظمة بما فيها المصاريف الخاصة لصاحب المشروع وبعدها يقدر يحدد الارباح اما بالنسبة لرأس المالي المطلوب والكافي لتنفيذ المشروع لازم يكون كافياً بقدر الامكان علشان يقدر يزود المشروع بالاصول الثابتة
No comments:
Post a Comment